რა არის სიკვდილისპირა გამოცდილება?

როდესაც ადამიანი ფიზიკური გადარჩენის ზღვარზეა - იქნება ეს კლინიკური სიკვდილი, მძიმე ტრავმა თუ მოულოდნელი კრიზისი, ზოგჯერ ხდება რაღაც აუხსნელი: ნაცვლად იმისა, რომ ცნობიერება გაქრეს, ის, პირიქით - უფრო მკაფიო, ინტენსიური და სტრუქტურირებული ხდება. ამ ფენომენს მეცნიერები სიკვდილისპირა გამოცდილებას - სპგ (Near-Death Experience - NDE) უწოდებენ.

ათწლეულების განმავლობაში ჩატარებული კლინიკური კვლევები გვიჩვენებს, რომ ეს არ არის უბრალო ჰალუცინაცია ან "ბოდვა". ჰალუცინაციები, როგორც წესი, ქაოტური და დამაბნეველია, ხოლო სპგ ხასიათდება საოცარი ლოგიკურობითა და თანმიმდევრულობით.

ძირითადი მახასიათებლები - მიუხედავად იმისა, რომ ყოველი ისტორია უნიკალურია, არსებობს საერთო მახასიათებლები, რომლებიც ხშირად მეორდება:

● სხეულიდან გასვლის შეგრძნება:

ადამიანი საკუთარ თავს ზემოდან აკვირდება და ზუსტად აღწერს იმ მოვლენებს, რომლებიც მის გარშემო (მაგალითად, საოპერაციო ბლოკში) ხდებოდა - მიუხედავად იმისა, რომ მისი ტვინი იმ მომენტში ფუნქციურად აქტიური არ უნდა ყოფილიყო.

● გასვლა ფიზიკური სამყაროს მიღმა:

გვირაბის, სინათლის ან სხვა განზომილებების ხილვა.

● დროის აღქმის შეცვლა და შეგრძნებების გამახვილება:

დროის შეგრძნება ქრება; ბევრი აღწერს „მარადიულობის“ განცდას. ფერები, ხმები და აზრები ჩვეულებრივზე უფრო მკაფიო ხდება.

● ინტენსიური სიმშვიდე:

ტკივილის, შიშისა და შფოთვის სრული გაქრობა და უპირობო სიყვარულის განცდა.

● შეხვედრა გარდაცვლილებთან:

კონტაქტი გარდაცვლილ ახლობლებთან, წინაპრებთან ან სულიერ არსებებთან.

● ცხოვრების განხილვა:

საკუთარი ქმედებების და მათი სხვებზე გავლენის მყისიერი გადახედვა.

სიკვდილისიპირა გამოცდილების ფენომენი დღესდღეობით კაცობრიობის ერთ-ერთი ყველაზე მნიშვნელოვანი ფსიქოლოგიური და ფილოსოფიური გამოცანაა. ის გვაიძულებს გადავხედოთ კლასიკურ შეხედულებას, რომლის მიხედვითაც ფიზიკური ტვინი ცნობიერების ერთადერთი წყაროა.

იხილეთ ვიდეო: